Orlofsuppbót greidd þó samningar séu lausir

Orlofsuppbót greidd þó samningar séu lausir

Orlofsuppbótin getur auðveldað launafólki að komast í langþráð frí.

Meira
Orlofsblað 2019

Orlofsblað 2019

Nú er Orlofsblaðið 2019 farið í póst og ætti að koma inn um lúguna hjá félagsmönnum á næstu dögum.

Það er líka hægt að skoða það undir "skrárog skjöl" Orlof.

SUMARORLOF

SUMARORLOF

Ágætu félagsmenn

Nú fer að styttast í umsóknartímabilið fyrir sumarorlofið það hefst 6. apríl og stendur til 13. apríl, en þá verður úthlutað umsóknum.

24. apríl verður opnað fyrir "fyrstur kemur fyrstur fær" tímabilið og þá geta félagsmenn pantað beint það sem laust verður eftir úthlutun sumartímabilsins.

Sumarorlofstímabilið er frá 24. maí til 13. september.

Allar upplýsingar um það sem er í boði er í orlofsblaðinu okkar sem fer í póst í næstu viku.

Við minnum líka á að hægt er að sækja um orlofshúsið okkar Mosfell, í Torrevieja á Spáni, bara fara inn á orlofsvefinn og ganga frá leigunni, enn eru laus tímabil þar.

F. h. orlofsnefndar Samflots

Guðbjörn Arngrímsson

formaður

Starfsmannasamtöl

Starfsmannasamtöl

Starfsmannasamtöl

Haldið 27. mars 2019.

Vel undirbúin og faglega framkvæmd starfsmannasamtöl geta bætt verulega frammistöðu starfsmanna og eflt samstarf og samskipti milli yfirmanns og starfsmanna hans.

Á námskeiðinu er farið yfir tilgang, undirbúning, framkvæmd og eftirfylgni starfsmannasamtala. Sýnd eru leikin myndskeið sem sýna bæði hvernig starfsmannasamtöl geta „misheppnast“ ef réttum undirbúningi og samtalstækni er ábótavant og öfugt, þ.e. sýnd dæmi um vel undirbúin og árangursrík samtöl. Þátttakendur taka jafnframt þátt í léttum æfingum.

Leiðbeinandi er Rakel Heiðmarsdóttir. Rakel er stofnandi og eigandi ráðgjafarfyrirtækisins Inventus ehf (sjá nánar á inventus.is). Hún útskrifaðist með doktorsgráðu í Ráðgjafarsálfræði (Counseling Psychology) frá University of Texas at Austin árið 2002. Hún fékkst við mannauðsráðgjöf, stjórnunarráðgjöf og markþjálfun á árunum 2002-2005. Að auki hefur Rakel haldið ýmis námskeið um samskipti, stjórnun, o.fl hjá Reykjavíkurborg, í Opna Háskólanum í HR, Endurmenntun HÍ og á vinnustöðum. Rakel hefur auk þess unnið samtals í 12 ár sem mannauðsstjóri, frá árinu 2005, meðal annars í Norðuráli og Bláa Lóninu.

Tími: Kennt miðvikudaginn 27. mars kl. 10:30-15:30.
Lengd: 4 klukkustundir. (1 skipti).
Staður: Fræðslumiðstöð Vestfjarða, Suðurgötu 12, Ísafirði.
Verð: 33.000 kr.

Starfsmenn hjá ríki eða sveitarfélögum sem eru í FosVest geta sótt námskeiðið sér að kostnaðarlausu. Þeir þurfa að skrá sig í gegnum vef Starfsmenntar, smennt.is.