Opinn sjóðfélagafundur hjá LSS

Lífeyrissjóður starfsmanna sveitarfélaga og lífeyrissjóðir í hans rekstri boða til sameiginlegs sjóðfélagafundar á Grand Hótel Reykjavík við Sigtún þann 13. mars nk. kl. 17.00.Farið verður yfir rekstur og afkomu lífeyrissjóðanna í ljósi nýútkominnar skýrslu Landssamtaka lífeyrissjóða um úttekt á fjárfestingastefnu, ákvarðanatöku og lagalegu umhverfi lífeyrissjóðanna í aðdraganda bankahrunsins 2008.
Sjóðfélagar eru hvattir til að mæta á fundinn en sjóðirnir sem hér um ræðir eru Lífeyrissjóður starfsmanna sveitarfélaga, Lífeyrissjóður starfsmanna Reykjavíkurborgar, Lífeyrissjóður starfsmanna Kópavogsbæjar, Lífeyrissjóður Akraneskaupstaðar, Lífeyrissjóður starfsmanna Húsavíkurkaupstaðar og Lífeyrissjóður Neskaupstaðar

Nánari upplýsingar og dagskrá verður birt síðar á heimasíðu Lífeyrissjóðs starfsmanna sveitarfélaga: www.lss.is og verður þar krækja þar sem hægt verður að fylgjast beint með fundinum fyrir þá sem ekki komast á staðinn. Slóðinn fyrir fjarfund er http://www.samband.is/um-okkur/sjodfelagafundur-lss/.