| þriðjudagurinn 11. september 2012

Kjarakönnun um kjör kjörinna fulltrúa í sveitarstjórnun

Hag- og upplýsingasvið Sambands íslenskra sveitarfélaga hefur í sjötta sinn tekið saman upplýsingar um kjör kjörinna fulltrúa í sveitarstjórnum og kjör starfandi sveitar- og bæjarstjóra. Þessi könnun hefur verið framkvæmd á tveggja ára fresti frá árinu 2002. Annars vegar er hún framkvæmd á kosningaári og hins vegar á miðju kjörtímabili.

Markmið þessa verks er að draga saman upplýsingar um þessi mál eftir mismunandi stærðum sveitarfélaga þannig að sveitarstjórnarmenn hverju sinni hafi yfirlit um hver kjöri í raun eru og hvernig dreifing þeirra er þegar tekin skal ákvörðun um slík mál. Með því að hafa tiltækar sambærilegar upplýsingar um þessi mál fæst einnig með tímanum gott yfirlit um hvernig þróun þeirra hefur verið gegnum árin.

Valur Rafn Halldórsson, starfsmaður á hag- og upplýsingasviði, annaðist gagnasöfnun, úrvinnslu þeirra og uppsetningu.

Vefumsjón