Skrifstofan verður lokuð vikuna 18. - 22. september vegna vinnuferðar starfsmanns. 

Síma og tölvupósti verður svarað, eins og hægt er.

Á síðasta fundi sjóðsins voru samþykktar breytingar á 11. grein í úthlutunarreglum sjóðsins.

Eftir breytingar er hún svo hljóðandi:

11. Umsækjandi sem hlotið hefur styrk úr sjóðnum á næstliðnum tólf mánuðum, getur að hámarki hlotið styrk sem nemur ónotuðu hlutfalli af hámarksfjárhæð sbr.5.tl. 

Tekið af vef BSRB.

BSRB beitir sér fyrir ýmsum mikilvægum málefnum sem varða félagsmenn aðildarfélaga bandalagsins miklu. Meðal þeirra málaflokka þar sem BSRB hefur látið til sín taka eru atvinna, efnahagsmál, velferðarkerfið, húsnæðismál, jafnrétti og fleira.

Við segjum reglulega fréttir frá starfsemi bandalagsins og sendum út rafræn fréttabréf mánaðarlega fyrir þá fjölmörgu sem vilja fylgjast með því sem hæst ber hverju sinni. Það er auðvelt að skrá netfang á póstlistann okkar. Skráningareyðublaðið er á forsíðunni á vef okkar, bsrb.is. Hægt er að skoða eldri fréttabréf á síðunni Útgefið efni.

Við hvetjum einnig þá sem vilja fylgjast með til að fara inn á Facebook-síðu BSRBog líka við hana. Þar birtast oft í viku fréttir frá bandalaginu, greinar sem forsvarsmenn skrifa í fjölmiðla og fleira sem félagar í aðildarfélögum BSRB og aðrir sem hafa áhuga á að fylgjast með þjóðfélagsumræðunni ættu ekki að láta framhjá sér fara.

 

 

 

 

 

 

 

1. Punktastaða félagsmanna og lífaldur ráða úthlutunum í orlofshúsum okkar.
2. Allir félagsmenn geta sótt um á úthlutunartímum, þó þeir eigi fáa eða enga punkta. Við úthlutun getur punktastaða viðkomandi farið í mínus. Olofshús sem bókuð eru utan sumarúthlutunartíma kosta ekki punkta.
3. Fyrir sumarorlof er auglýstur umsóknartími og allar umsóknir leggjast í afgreiðslugrunn kerfisins og bíða úthlutunar. Á fyrirfram ákveðnum degi er síðan úthlutað og félagsmönnum sem fá úthlutað, gefin ákveðin frestur til að greiða fyrir sína úthlutun. Berist greiðsla ekki á réttum tíma mun orlofsnefnd úthluta öðrum umsækjanda orlofshúsið.
4. Úthlutun á vetrartíma skerðir ekki rétt og möguleika félagsmanna til úthlutunar á sumartímabili.
5. Ellilífeyris og örorkuþegar sem voru félagsmenn a.m.k. 12 mánuði fyrir starfslok, halda fullum réttindum.
6. Aðeins er úthlutað einni viku í einu. (á ekki við orlofshús á Spáni)
7. Sumarorlofstímabilið er frá síðasta föstudegi í maí að öðrum föstudegi í september.
8. Helgarleiga t.d. yfir vetrartímann er áætluð frá kl.15:00 á föstudegi og til kl: 13.00 á sunnudegi. Helgarleiga hefur engin áhrif á úthlutanir yfir sumartímann.
9. Félagsmönnum er algjörlega óheimilt að úthluta orlofshúsnæði til annarra.
10. Reglur fyrir skilum: Ef íbúðum eða bústöðum er skilað með skemmri fyrirvara en viku, þá endurgreiðist leigan ekki nema húsnæðið leigist út aftur. Ef skilað er með 2ja vikna fyrirvara þá endurgreiðisast 50% af leigunni, nema húsnæðið leigist út aftur. Ef skilað er með 3ja vikna fyrirvara eða meira, þá endurgreiðist leigan að fullu.
11. Niðurgreiddir hótelmiðar. Félagmaður getur fengið keypta allt að 6 hótelgreiðslumiða í einu.
12. „Orlof að eigin vali“ er styrkur til niðurgreiðslu orlofsúrræða, annarra en þeirra sem orlofsumhverfi Samflots býður uppá. Hægt er að sækja um annað hvert ár. Styrkur  fæst ekki ef viðkomandi félagsmaður hefur fengið úthlutað orlofshús á sama ári á sumarorlofs-tímabilinu.
13. Orlofsnefnd Samflots áskilur sér rétt á að breyta þessum úthlutunarreglum ef upp koma breyttar aðstæður.

Eftirfarandi breytingar á A deild koma til framkvæmda 1. júní 2017:

• Réttindaávinnslu A deildar er breytt úr jafnri rttindaávinnslu yfir í aldurstengda
réttindaávinnslu.
• Lífeyrisaldur er samræmdur við almennan vinnumarkað og verður 67 ár

• Lífeyristaka getur sem fyrr hafist á milli 60 og 70 ára aldurs.
• A deild er viðhaldið en þeir sem greiða áfram iðgjald til sjóðsins fara yfir í
aldurstengda réttindaávinnslu. Mismunur á réttindum í jafnri og aldurstengdri ávinnslu
er mætt með sérstöku framlagi, lífeyrisauka, sem launagreiðendur greiða til sjóðsins.

• Réttindi þeirra sem byrjaðir eru á lífeyri þann 31. maí 2017 og þeirra sem hafa náð
60 ára aldri á sama tíma verða ekki skert eða aukin þó svo til skerðingar eða
réttindaaukningar komi hjá öðrum sjóðfélögum.
• Réttindi annarra sjóðfélaga verða framvegis bundin tryggingafræðilegri stöðu og
geta lækkað eða hækkað eir aomu sjóðsins. Þetta á bæði við um áunnin réttindi
fyrir 1. júní næstkomandi og framtíðarréttindi sjóðfélaga.
Nýir sjóðfélagar eftir 1. júní 2017
Sjóðfélagar sem byrja að greiða til sjóðsins eir 1. júní 2017 ávinna sér réttindi sem eru
aldurstengd og bundin afkomu sjóðsins.
Áhrif á sjóðfélaga sem áttu aðild að A deild fyrir 1. júní
Áunninn réttindi þeirra sjóðfélaga sem eiga aðild að A deild fyrir breytingarnar verða
ekki skert við breytinguna vegna framlags launagreiðenda til sjóðsins. Réttindi geta þó
framvegis hækkað eða lækkað eftir afkomu sjóðsins.
Nánari upplýsingar eru á lifbru.is

 

 

 

 

Aðalfundur Félags opinberra starfsmanna á Vestfjörðum verður haldinn  miðvikudaginn  31. maí 2017 kl. 18:00, á Hótel Ísafirði.

 

Dagskrá aðalfundar er venjuleg aðalfundarstörf samkvæmt lögum félagsins.

 

Félagsmenn eru hvattir til að mæta á fundinn og nýta málfrelsis-, tillögu- og atkvæðisrétt.

 

Boðið verður upp á léttan málsverð að lokinni hefðbundinni dagskrá. 

Áríðandi er að staðfesta þátttöku við skrifstofu félagsins í síma 456-4407 eða á netfangið fosvest@fosvest.is í síðasta lagi mánudaginn 29. maí 2017.

 

Hið árlega ferðaávísanalottó verður á sínum stað.

 

Kveðja,

Stjórn F.O.S.Vest

Fundur verður á Hótel Ísafirði í dag kl. 16.30.  Þar sem fjallað verður um væntanlegar breytingar á A-deild LSR sem taka gildi 1. júní nk. og hver áhrif breytinganna verða á núverandi sjóðfélaga í A-deild LSR og þá sjóðfélaga sem koma nýir inn í sjóðinn eftir 01.06.2017.

Alþingi hefur samþykkt breytingar á lögum um A-deild LSR. Samkvæmt lögunum verður tekið upp breytt réttindakerfi hjá deildinni 1. júní 2017 með aldurstengdri réttindaávinnslu og 67 ára lífeyristökualdri. 

Áhrif breytinganna á núverandi sjóðfélaga í A-deild LSR:

• Með framlagi ríkisins í lífeyrisaukasjóð er núverandi sjóðfélögum tryggð áfram óbreytt ávinnsla framtíðarréttinda og óbreyttan lífeyristökualdur við 65 ár.
• Ekki verður gerð breyting á þegar áunnum réttindum núverandi sjóðfélaga við upptöku á breyttu fyrirkomulagi, hvorki þeirra sem eru í starfi í dag, byrjaðir að taka lífeyri eða eiga eldri réttindi hjá sjóðnum. Þau réttindi verða áfram reiknuð í jafnri réttindaávinnslu og miðuð við 65 ára lífeyristökualdur.
• Ef þær forsendur sem miðað er við, m.a. forsendur um ávöxtun, ganga ekki eftir, kann í framtíðinni að koma til breytinga á áunnum réttindum, annað hvort til hækkunar eða lækkunar. Þetta á ekki við um þá sem byrjaðir eru að taka lífeyri, eða verða orðnir 60 ára við gildistöku breyttra reglna 1. júní n.k. og hafa þar af leiðandi rétt á að hefja töku lífeyris. 

Áhrif breytinganna á nýja sjóðfélaga í A-deild LSR sem hefja greiðslur í sjóðinn eftir 01.06.2017:

• Nýir sjóðfélagar ávinna sér réttindi í aldurstengdu réttindakerfi og lífeyristökualdur verður miðaður við 67 ára aldur.

 

Nánari upplýsingar á www.lsr.is

1.maí

Tökum öll þátt í kröfugöngu stéttarfélaganna.

Union members! Show solidarity and take part in the parade.

Wszyscy bierzemy udział w pochodzie zwiazków zawodowych.

 

Lagt verður af stað frá Baldurshúsinu, Pólgötu kl. 14.00 Gengið verður að

Pollgötu og þaðan niður að Edinborgarhúsi með Lúðrasveitina í fararbroddi.

 

Dagskráin í Edinborgarhúsi:

 

Lúðrasveit tónlistarskólans:

Stjórnandi Madis Maekalle

 

Ræðumaður dagsins:

Bergvin Eyþórsson sjómaður

 

Söngatriði:

Sigrún Pálmadóttir / undirleikur  Beata Joó

 

Pistill:

Kolbrún Sverrisdóttir verkakona

 

Leikatriði:

Dýrin í Hálsaskógi.

Leikdeild Höfrungs á Þingeyri flytur valin atriði úr leikritinu.

 

Tónlistaratriði:

Sigurvegarar Músíktilrauna Between Mountains.

Hana  skipa Katla Vigdís Vernharðsdóttir og Ásrós Helga Guðmundsdóttir

 

Kaffiveitingar í umsjón Slysavarnardeildarinnar Iðunnar

í Guðmundarbúð, Sindragötu 6, að hátíðarhöldum loknum.

 

Kvikmyndasýningar fyrir börn

í Ísafjarðarbíói kl. 14:00 og 16:00

 

 

Hátíðarhöld á Suðureyri:

 

14:00 Kröfuganga frá Brekkukoti. Boðsund barna í Sundlaug Suðureyrar.

Félagsheimili Súgfirðinga: Kaffiveitingar.

Ræða dagsins: Lilja Rafney Magnúsdóttir.

Tónlis og söngur barna. Dúettinn Between Moutains.

 

Allir velkomnir - Baráttukveðjur - 1. maí nefndin Ísafirði og Suðureyri