Upplýsingar um sjóðagjöld fyrir launagreiðendur vegna samnings við Samband Íslenskra sveitarfélaga:
Bæjarstarfsmannasamningar:
(F) Félagssjóður 1% af heildarlaunum. (launþegi.) Bókunarm.BSRB. Sjá uppl. hér fyrir neðan.
(O) Orlofssjóður 1% af heildarlaunum. (atvinnurekandi.) Bókunarm.BSRB. Sjá uppl. hér fyrir neðan.
(E) Starfsmenntunarsjóður 0,30% af heildalaunum. (atvinnurekandi.) Bókunarm.BSRB. Sjá uppl. hér fyrir neðan.
(W) Viðræðunefndarsjóður Samflots 0,04% af heildalaunum. (Atvinnurekandi.) Bókunarm.BSRB. Sjá uppl. hér fyrir neðan.
(S) Styrktarsjóður BSRB 0,75% af heildarlaunum. (Atvinnurekandi.) Bókunarm.BSRB. Sjá uppl. hér fyrir neðan.
(M) Mannauðssjóður Samflots 0,30% af heildalaunum. (Atvinnurekandi) Til Mannauðssjóðs Samflots. Sjá hér fyrir neðan.
(R)Starfsendurhæfingarsjóður 0,13% af heildarlaunum. (atvinnurekandi.)
Skilast til Lífeyrissjóða.
Ath samkvæmt kjarasamningum eiga starfsmenn rétt á að vera í Lífeyrissjóði starfsmanna sveitarfélaga. LSS. Sjá www.lss.is uppl. fyrir launagreiðendur.
Upplýsingar um Mannauðssjóð:
Greiðslur launagreiðenda í sjóðinn miðast við 1. mars 2010 og nema 0,3% af heildarlaunagreiðslum félagsmanna.
Skilagreinar skal senda beint til Mannauðssjóðs Samflots. Eftirfarandi launakerfi geta sent skilagreinar rafrænt, TOK, Stólpi, H-laun og DK. Skilagreinar berist á rafrænu formi skv. eftirfarandi:
• Skilagreinar á SAL formi (textaskrár) sendast á netfangið mannaudssjodur@samflot.is
• Skilagreinar á pappír eru sendar á heimilisfangið: Mannauðssjóður Samflots. Aðalstræti 24. 400 Ísafjörður.
Greiðslur berist inn á reikning 0156-15-380397, kennitala 680510-1210.
Upplýsingar um bókunarmiðstöð BSRB:
1) Allir launagreiðendur skila rafrænum skilagreinum. Þær geta verið í XML eða á SAL formi.
a. Skilagreinar á SAL formi sendast á skbibs@bsrb.is
b. Fyrir skilagreinar á XML formi er vefþjónustan https://dk.bsrb.is/bibs/skilagreinar.exe/wsdl/IMemberExpos
2) Í undantekningartilfellum er hægt að senda skilagreinar á Excel, Word eða Pdf formi. Þá skal senda þær á netfangið bsrb-skilagreinar@bsrb.is
3) Í undantekningartilfellum er hægt að senda skilagreinar á pappír. Slík skilagrein er send á heimilisfangið: BSRB Grettisgötu 89, 105 Reykjavík.
4) Launagreiðendur þurfa ekki að skipta greiðslum niður á einstaka sjóði nema til Mannauðssjóðs SAMFLOTS. Allar greiðslur til bókunarmiðstöðvarinnar verða í einni fjárhæð og greiðist hún óskipt á reikning hjá Íslandabanka/Byr Reikningurinn er: 0516-04-760468 og kennitala 440169-0159.
5) Hvert stéttarfélag innan BSRB hefur ákveðið númer sem tengja verður félagsmönnum viðkomandi félags. Ath FOS-Vest er númer 0668.
6) Innheimtumiðstöðin verður formlega tekin í notkun þann 1. september 2008 og miðað er við að fyrsta keyrsla í nýju kerfi verði fyrir launagreiðslur um mánaðamótin september/október 2008.
Allar nánari útskýringar og aðstoð veita: Brynjar Tryggvason, netfang: brynjart@dk.is, Brynjar Hermannsson, netfang: brynjar@dk.is eða Magnús Axel Hansen, netfang maxel@dk.is. Sími hjá dk hugbúnaði er 510 5800.
Heimasíða Mannauðssjóðs Samflots. http://mannaudssjodur.samflot.is
Netfang Mannauðssjóðs: mannaudssjodur@samflot.is
Bæklingur Mannauðssjóðs - gott að fara yfir.Hér.
Umsóknareyðublað Mannauðssjóðs. Hér.
Úthlutunarreglur Mannauðssjóðs.Hér.
Samþykktir Mannauðssjóðs. Hér.
Félag opinberra starfsmanna á Vestfjörðum (FosVest)
Aðalstræti 24 • 400 Ísafjörður
Sími 456-4407 • Fax 456 4173
Kennitala 451275-1359
Netfang fosvest@fosvest.is
Þjónustufulltrúi skrifstofu. Netfang skrifstofa@fosvest.is
Framkvæmdastjóri félagsins er Ólöf Hildur Gísladóttir. Netfang fosvest@fosvest.is
Formaður félagsins er Gylfi Guðmundsson. Netfang gylfi@fosvest.is
Opnunartíma skrifstofu er eftirfarandi:
Mánudaga til föstudaga kl. 10-12:00 - 13-15:00.
Er heimilt að kalla starfsmann úr orlofi til þess að vinna? Hvernig er það þá greitt?
Svar: Ef starfsmaður fellst á það að koma í vinnu þegar hann er í orlofi þá á að fresta orlofi sem því nemur ella greiða yfirvinnukaup fyrir unnar stundir. Starfsmaður ætti að ræða það við sinn yfirmann áður en hann fer að vinna hvort heldur verði því kjarasamningsákvæðið sem fjallar um þetta (4.7.2 í flestum samningum) gefur sem sagt færi á tveimur möguleikum.
Ég verð 30 ára 1. október 2004. Á ég rétt á lengingu sumarorlofs þrátt fyrir að hafa ekki orðið 30 ára þegar ég fer í sumarorlof ?
Svar: Starfsmaður sem nær 30 ára aldri á því almanaksári sem tímabil sumarorlofs tilheyrir, fær að auki orlof sem svarar til 24 vinnuskyldustunda í dagvinnu. Þú átt því rétt á lengingu þar sem þú verður 30 ára á almanaksárinu.
Ég er ríkisstarfsmaður og veiktist í sumarorlofinu mínu. Á ég rétt á því að fá uppbótarorlof á sumarorlofið mitt?
Ef starfsmaður veikist í orlofi telst sá tími, sem veikindum nemur ekki til orlofs, enda sanni starfsmaður með læknisvottorði, að hann hafi ekki getað notið orlofs. Starfsmaður þarf að tilkynna yfirmanni sínum strax með símtali eða símskeyti um veikindi eða slys í orlofi. Nauðsynlegt er að tilkynna veikindin strax á fyrsta degi annars kann réttur að falla niður.
Getur forstöðumaður sett takmörk fyrir því á hvaða tíma orlofstímabilsins orlofstaka sé heimil vegna anna í starfsemi stofnunarinnar.?
Meginreglan er sú að yfirmaður ákveður í samráði við starfsmann, hvenær orlof skuli veitt. Skylt er að verða við óskum starfsmanna um hvenær orlof er tekið og skal það veitt á sumarorlofstíma verði því við komið vegna starfa stofnunarinnar. Yfirmaður á að kanna hverjar óskir starfsmanna eru og á hann að tilkynna í síðasta lagi mánuð fyrir byrjun orlofs, hvenær orlof starfsmanna skuli hefjast. M.ö.o þá er forstöðumanni stofnunar skylt að hafa samráð við starfsmann um orlofstöku en í samráði felst hins vegar ekki áskilnaður um samþykki starfsmanns. Því hefur forstöðumaður lokaorð um það hvenær starfsmaður tekur orlof sitt, en þó á þeirri forsendu einni að starfsemi stofnunarinnar krefjist þess og er eðlilegt að fyrir því séu færð rök. Að þessu skilyrði fullnægðu ber starfsmanni að hlíta því.
Mér var sagt upp störfum með þriggja mánaða uppsagnarfresti. Á sumarorlof mitt að vera hluti af þessum þremur mánuðum?
Vinnuveitandi getur ekki látið starfsmann taka sumarorlof sitt á uppsagnarfrestinum nema starfsmaður sé því samþykkur. Verður það því að vera samkomulagsatriði við starfsmanninn að skipa uppsagnarfresti með þeim hætti að hluti hans sé orlof.
Hvernig á að telja orlof vaktavinnufólks?
Þegar starfsmaður í vaktavinnu fer í orlof skal miða við að vaktskrá haldist óbreytt og telja út þær vinnuskyldustundir sem viðkomandi hefði ella unnið. Ef greidd er yfirvinna á helgidögum skal orlof lengjast um 8 klst. ef sérstakur frídagur er á orlofstímanum.
Hvernig á að fara með ótekið orlof við starfslok?
Við starfslok skal gera upp áunnið orlof. Ráðningarsambandi starfsmanns og vinnuveitanda lýkur á þeim degi sem uppsögn tekur gildi og því ekki heimilt að bæta orlofinu við uppsagnarfrestinn.
Spurt er um rétt starfsmanns til að fara í launalaust leyfi.
Í kjarasamningum er ákvæði sem kveður á um að starfsmaður skuli eiga rétt á launalausu leyfi ef honum býðst tækifæri og/eða styrkur til að vinna að tilteknu verkefni m.a. tengdu starfi hans. Slíkt leyfi skal tekið í samráði við yfirmann stofnunar. Þá á starfsmaður rétt á launalausu leyfi hafi hann verið kosinn á Alþingi, fengið starf hjá samnorrænni stofnun, skrifstofu ráðherranefndar Norðurlanda eða stjórnarnefnd Norðurlandaráðs. Þá eiga foreldrar rétt á foreldrarorlofi samkvæmt fæðingar- og foreldraorlofslögum. Það er áríðandi að ganga skriflega frá launalausu leyfi svo ljóst sé hve lengi leyfið á að standa.
Hvenær hefst uppsagnarfrestur? Hvað er hann langur? Hver er réttur starfsmanna varðandi launalækkun? Má segja upp fastri yfirvinnu? Þetta eru örfáar spurningar sem starfsmenn BSRB hafa þurft að svara ítrekað að undanförnu vegna aðhaldsaðgerða og niðurskurðar stofnana og fyrirtækja. Sonja Ýr Þorbergsdóttir lögfræðingur BSRB hefur tekið saman ýmsar upplýsingar um réttarstöðu starfsmanna á vinnumarkaði þar sem ofangreindum spurningum og fleirum er svarað.
Samantektin skiptist í eftirtalda kafla: Almennt um uppsagnir, aðilaskipti að fyrirtækjum, atvinnuleysistryggingar og Ábyrgðasjóður launa.
Sjá samantektina
Léttar æfingar í vinnu
Prentvæna útgáfu á heimasíðu okkar. Slóðin er http://www.vinnuvernd.is/teygjur.php
Léttar æfingar í vinnu er einföld og ódýr lausn. Við hvetjum aðila til þess að prenta skjalið út, plasta og hengja upp á vinnustað. Einnig er öllum velkomið að áframsenda þessar upplýsingar til þeirra sem gætu haft not fyrir þær.
Í framtíðinni munum við setja upplýsingaskjöl á heimasíðuna okkar þar sem allir ættu að geta nálgast þau.
Með góðri kveðju frá Vinnuvernd
Hvað er starfsendurhæfingarsjóður?
Hlutverk starfsendurhæfingarsjóðs er að draga markvisst úr líkum á því að launafólk hverfi af vinnumarkaði vegna langvarandi veikinda eða annarra vandamála. Áhersla er lögð á að koma snemma að málum og viðhalda vinnusambandi einstaklinga með virkni, hvatningu og öðrum úrræðum.
Hvert á að leita eftir aðstoð?
Hægt er að leita eftir þjónustu ráðgjafa að eigin frumkvæði eða eftir ábendingum frá öðrum t.d. atvinnurekendum, trúnaðarmönnum á vinnustöðum, samstarfsmönnum, stéttarfélagi, heimilislækni eða öðrum stofnunum.
Á Vestfjörðum er Fanney Pálsdóttir sjúkraþjálfari ráðgjafi fyrir Félag opinberra starfsmanna á Vestfjörðum, Verkalýðsfélag Vestfirðinga, Verkalýðs- og sjómannafélag Bolungavíkur og Félag járniðnaðarmanna á Ísafirði. Ráðgjafinn er staðsettur í skrifstofu verkalýðsfélaganna Pólgötu 2 á Ísafirði. Stöðugildi ráðgafans er 100% og er Fanney með viðveru alla virka daga frá kl. 08:00 - 16:00. Sími ráðgjafa er 456-3190 og netfang virk@fosvest.is Fanney tekur á móti félagsmönnum FOS-Vest á skrifstofu félagsins þegar viðtöl eiga sér stað.
Hlutverk Starfsendurhæfingarsjóðs er að draga markvisst úr líkum á því að launafólk hverfi af vinnumarkaði vegna varanlegrar örorku, með aukinni virkni, eflingu endurhæfingar og öðrum úrræðum.
Sjá frekari upplýsingar á www.virk.is
Stefna Starfsendurhæfingarsjóðs er að:
Skipuleggja ráðgjöf og þjónustu fyrir starfsmenn sem veikjast til lengri tíma eða slasast þannig að vinnugeta skerðist.
Stuðla að snemmbæru inngripi með starfsendurhæfingarúrræðum í samstarfi við sjúkrasjóði og atvinnurekendur.
Fjármagna ráðgjöf og fjölbreytt endurhæfingarúrræði sem miða að aukinni virkni starfsmanna sem búa við skerta vinnugetu til viðbótar því sem þegar er veitt af hinni almennu heilbrigðisþjónustu í landinu.
Stuðla að fjölbreytni og auknu framboði úrræða í starfsendurhæfingu.
Byggja upp og stuðla að samstarfi allra þeirra aðila sem koma að starfsendurhæfingu viðkomandi einstaklinga.
Hafa áhrif á viðhorf og athafnir í samfélaginu til að stuðla að aukinni virkni starfsmanna.
Styðja við rannsóknir og þróunarvinnu á sviði starfsendurhæfingar.
Meginverkefni Starfsendurhæfingarsjóðs eru að:
Skipuleggja og hafa umsjón með störfum ráðgjafa sem starfa aðallega á vegum sjúkrasjóða stéttarfélaganna og munu aðstoða einstaklinga sem þurfa á endurhæfingu að halda. Starfsendurhæfingarsjóður greiðir kostnaðinn af störfum ráðgjafanna ásamt því að hafa umsjón og eftirlit með starfi þeirra og veita þeim faglegan stuðning. Sérstök áhersla er lögð á snemmbært inngrip með starfsendurhæfingarúrræðum í samstarfi við sjúkrasjóði og atvinnurekendur.
Greiða kostnað af ráðgjöf ýmissa fagaðila um mótun sérstakrar einstaklingsbundinnar endurhæfingaráætlunar, s.s. lækna, sálfræðinga, iðjuþjálfa, sjúkraþjálfa, félagsráðgjafa, náms- og starfsráðgjafa o.s.frv.
Greiða fyrir kostnað við úrræði og endurhæfingu með áherslu á að auka vinnugetuna, til viðbótar því sem þegar er veitt af hinni almennu heilbrigðisþjónustu í landinu.
Önnur verkefni Starfsendurhæfingarsjóðs eru að:
Stuðla að aukinni fjölbreytni og framboði úrræða í starfsendurhæfingu.
Byggja upp og stuðla að samstarfi allra þeirra aðila sem koma að starfsendurhæfingu.
Hafa áhrif á viðhorf og athafnir í samfélaginu sem stuðla að aukinni virkni einstaklinga.
Styðja við rannsóknir og þróunarvinnu á sviði starfsendurhæfingar.
Nánari upplýsingar um starfsemi VIRK má finna á heimasíðu sjóðsins.
Meira um stöðuleika sáttmálann má finna hér.
„Stjórn Sambands íslenskra sveitarfélaga fagnar því að tekist hefur að koma á stöðugleikasáttmála milli ríkisstjórnar Íslands, sambandsins og aðila vinnumarkaðarins, sem undirritaður var 25. júní sl.
Ljóst er að efnahagslegur samdráttur hér á landi mun vara lengur og verða meiri en talið var í fyrstu. Nauðsynlegt er því að draga enn frekar úr útgjöldum sveitarfélaga en þegar hefur verið ákveðið, eins og ítrekað hefur komið fram af hálfu forsvarsmanna sveitarfélaga að undanförnu, m.a. við undirbúning að gerð stöðugleikasáttmálans. Gera verður ráð fyrir að lækkun þjónustustigs af þessum sökum muni hafa mikil áhrif á alla landsmenn næstu árin.
Hjá flestum sveitarfélögum hafa forsendur fjárhagsáætlana fyrir árið 2009 ekki staðist. Atvinnuleysi hefur verið meira en reiknað var með, neikvæð áhrif gengis íslensku krónunnar eru meiri, skatttekjur og tekjur frá Jöfnunarsjóði sveitarfélaga eru lægri og rekstrarútgjöld eru hærri. Þetta kallar á endurskoðun fjárhagsáætlana þessa árs hjá flestum sveitarfélögum og meiri niðurskurð næstu ár en gert var ráð fyrir í þriggja ára áætlunum þeirra.
Stjórn Sambands íslenskra sveitarfélaga telur mikilvægt að sveitarfélög séu sem mest samstíga í aðgerðum sínum við að skera niður útgjöld. Verja þarf lögbundna grunnþjónustu, þó þjónustustigið verði lækkað í sumum tilfellum, og draga þarf úr annarri þjónustu.
Sveitarfélögin hafa á undanförnum mánuðum unnið að markvissum aðhaldsaðgerðum. Ljóst er að það dugar ekki til, þar sem útgjöld sveitarfélaga aukast á sama tíma og tekjur þeirra lækka, og fyrir liggur að ekki næst að tryggja grunnþjónustu sveitarfélaga og störf nema tilkomi enn frekari möguleikar á útgjaldalækkun og hækkun tekna með einum eða öðrum hætti.
Vegna endurskoðunar á fjárhagsáætlun 2009 og fjárhagsáætlunargerðar fyrir árin 2010–2013 leggur stjórn sambandsins áherslu á að ríki og sveitarfélög vinni fljótt og vel grunn að því hvernig staðið verði að aðhaldsaðgerðum og þróun afkomu sveitarfélaga í samræmi við nýgerðan stöðugleikasáttmála.“
Samþykkt á stjórnarfundi 26. júní 2009.
Á sumarorlofstíma er einungis hægt að leigja viku í senn. Árið 2012 er sumarorlofstími orlofshúsa/íbúða frá 1.júní- 31.ágúst.
Frá 1.september er í boði að taka tvo daga eða fleiri.
Vinsamlega sækið um á skrifstofu félagsins eða sendið póst á skrifstofa@fosvest.is eða fosvest@fosvest.is
Félagsmenn geta einnig tekið hús á leigu hjá BSRB hægt er að sækja um bústað í gegnum orlofsvef á bsrb.is eða í síma 525-8300 og fengið allar upplýsingar.
Reynihlíð.
Húsið er 135,2 fermetrar með 4 svefnherbergjum og rúmstæði fyrir 8-10 manns
Verð er að finna á heimasíðu www.bsrb.is eða í síma 525-8300
Eyrarhlíð 47-48
Húsið sem er um 35m² og samanstendur af anddyri, stofu, borðstofu, eldhúsi, svefnherbergi og baðherbergi. Verönd með heitum potti er við húsið.Svefnpláss er fyrir 2-3,
Verð er að finna á heimasíðu www.bsrb.is eða í síma 525-8300
Stekkjarhóll 62-68
Húsið sem er um 35m² og samanstendur af anddyri, stofu, borðstofu, eldhúsi, svefnherbergi og baðherbergi. Verönd með heitum potti er við húsið.Svefnpláss er fyrir 2-3, þ.e. fyrir 2 í hjónaherbergi og fyrir 1 í sófa í stofu
Verð er að finna á heimasíðu www.bsrb.is eða í síma 525-8300
Félag opinberra starfsmanna á Vestfjörðum (FOS-Vest)
Aðalstræti 24 • 400 Ísafjörður
Sími 456-4407 • Fax 456 4173
Kennitala 451275-1359
Netfang fosvest@fosvest.is
Þjónustufulltrúi skrifstofu. Netfang skrifstofa@fosvest.is
Framkvæmdastjóri félagsins er Ólöf Hildur Gísladóttir. Netfang fosvest@fosvest.is
Formaður félagsins er Gylfi Guðmundsson. Netfang gylfi@fosvest.is
Opnunartíma skrifstofu er eftirfarandi:
Mánudaga til föstudaga kl. 10:00 - 15:00.
Vinnumálastofnun á Vestfjörðum
Sími: 512 7790 Fax: 534 7791
Árnagötu 2-4 - 400 Ísafirði
www.vinnumalastofnun.is vestfirdir@vmst.is
Úr kjarasamningi FOS-Vest og SNS.
1.7 DESEMBERUPPBÓT
1.7.1 Desemberuppbót verður sem hér segir:
Á árinu 2011 kr. 75.500
Á árinu 2012 kr. 78.200
Á árinu 2013 kr. 80.700
Starfsmaður í fullu starfi fær greidda desemberuppbót (persónuuppbót) 1. desember ár hvert. Með fullu starfi er átt við 100% starf tímabilið 1. janúar til 30. nóvember sama ár. Hafi starfsmaður gegnt hlutastarfi eða starfað hluta úr ári, skal hann fá greitt miðað við starfshlutfall og/eða starfstíma, þó þannig að hann hafi starfað samfellt a.m.k. frá 1. september það ár.
Það sama gildir um tímavinnufólk og miðast óskert fjárhæð við 1.504 unnar dagvinnustundir á framangreindu viðmiðunartímabili.
Eftirlaunaþegar sem eru aðilar að B-deild LSR eða sambærilegum deildum annarra lífeyrissjóða fái greidda desemberuppbót í desember frá viðkomandi lífeyrissjóði í réttu hlutfalli við greidd eftirlaun.
Starfsmaður sem lætur af störfum á árinu, en hafði þá starfað samfellt í a.m.k. 6 mánuði skal einnig fá greidda desemberuppbót miðað við starfstíma og starfshlutfall á árinu. Hlutfall skv. þessari málsgrein er reiknað sem hlutfall af fullri vinnu (100%) í 12 mánuði á almanaksárinu af síðast gildandi desemberuppbót.
1.7.2. Desemberuppbót skv. gr. 1.7.1. greiðist starfsmönnum sem fóru á eftirlaun á árinu, enda hafi þeir skilað starfi er svari til a.m.k. hálfs starfsárs það ár. Sama regla gildir um þá, sem sökum heilsubrests minnka við sig starf, enda liggi fyrir um það vottorð læknis. Heildargreiðsla til eftirlaunaþega verði aldrei hærri en full desemberuppbót sbr. grein 1.7.1.
1.7.3 Framangreind desemberuppbót er með inniföldu orlofi og greiðist sjálfstætt og án tengsla við laun.
1.8 ORLOFSUPPBÓT
1.8.1 Orlofsuppbót verður sem hér segir:
Á árinu 2011 kr. 36.000
Á árinu 2012 kr. 37.000
Á árinu 2013 kr. 38.000
Á árinu 2014 kr. 39.000
Hinn 1. maí ár hvert skal starfsmaður sem er í starfi til 30. apríl fá greidda eingreiðslu, orlofsuppbót, er miðast við fullt starf næstliðið orlofsár. Greitt skal hlutfallslega miðað við starfshlutfall og starfstíma.
Tímavinnufólk fær greidda orlofsuppbót og miðast óskert fjárhæð hennar við 1.504 unnar dagvinnustundir á framangreindu viðmiðunartímabili.
1.8.2 Hafi starfsmaður látið af störfum á orlofsárinu vegna aldurs eða eftir a.m.k. 3 mánaða (13 vikna) samfellt starf á orlofsárinu skal hann fá greidda orlofsuppbót hlutfallslega miðað við unninn tíma og starfshlutfall.
Sama hlutfallsregla gildir ef starfsmaður var frá störfum vegna veikinda eftir að greiðsluskyldu vinnuveitanda lýkur eða vegna fæðingarorlofs, allt að sex mánuðum.
Orlofsuppbót er föst fjárhæð og tekur ekki breytingum skv. öðrum ákvæðum samningsins. Á orlofsuppbót reiknast ekki orlofslaun.
Úr Kjarasamningi FOS-Vest og Fjármálaráðherra.
1.7.1 Starfsmaður í fullu starfi skal fá greidda persónuuppbót í desember ár hvert...
Starfsmaður sem er við störf í fyrstu viku nóvembermánaðar skal fá greidda
persónuuppbót 1. desember ár hvert miðað við fullt starf tímabilið 1. janúar til
31. október. Persónuuppbót er föst krónutala og tekur ekki hækkunum skv.
öðrum ákvæðum kjarasamningsins. Á persónuuppbót reiknast ekki orlofsfé.
Hafi starfsmaðurinn gegnt hlutastarfi eða unnið hluta úr ári, skal hann fá greitt
miðað við starfshlutfall á framangreindu tímabili.
Á sama hátt skal einnig starfsmaður sem látið hefur af starfi en starfað hefur
samfellt í a.m.k. 3 mánuði (13 vikur) á árinu, fá greidda persónuuppbót, miðað
við starfstíma og starfshlutfall. Sama gildir þótt starfsmaður sé frá störfum
vegna veikinda eftir að greiðsluskyldu stofnunar lýkur eða í allt að 6 mánuði
vegna fæðingarorlofs.
4. gr.
Persónuuppbót og orlofsuppbót
Persónuuppbót (desemberuppbót) á samningstímanum verður sem hér segir:
Á árinu 2011 48.800 kr. sérstakt álag 15.000 kr.
Á árinu 2012 50.500 kr.
Á árinu 2013 52.100 kr.
Orlofsuppbót á samningstímanum verður sem hér segir:
Á árinu 2011 26.900 kr. sérstakt álag 10.000 kr.
Á árinu 2012 27.800 kr.
Á árinu 2013 28.700 kr.
Samkomulag fjármálaráðherra og F.O.S. Vest 17.mars 2005 um sérmál Félags opinberra starfsmanna á Vestfjörðum.
1. Þeir starfsmenn höfðu hærri persónuuppbót (skv. fyrri kjarasamningi með gildistíma til 30. nóvember 2004) en segir í grein 1.7.3 skulu fá greiddar kr. 59.740 á meðan sú upphæð er hærri en segir í fyrrgreindu ákvæði og ráðning helst samfelld hjá sömu stofnun.
Úr Kjarasamningi FOS-Vest og Orkubú Vestfjarða.
4. gr.
Sérstakt álag á orlofs- og desemberuppbót 2011
Á árinu 2011 greiðist sérstakt álag á orlofsuppbót, kr. 10.000.
Á árinu 2011 greiðist sérstakt álag á desemberuppbót, kr. 15.000.
1.6. Desemberuppbót.
1.6.1. Starfsmaður í fullu starfi fær greidda persónuuppbót 1. desember ár
hvert sem nemur 50% af desemberlaunum í launaflokki 135 1. þrepi,
samkvæmt launatöflu þessa samnings. Með fullu starfi er átt við 100%
starf tímabilið 1. janúar til 30. nóvember sama ár. Hafi starfsmaður
gegnt hlutastarfi eða starfað hluta úr ári, skal hann fá greitt miðað við
starfshlutfall og/eða starfstíma, þó þannig að hann hafi starfað samfellt
a.m.k. frá 1. september það ár. Eftirlaunaþegar fái greidda
persónuuppbót í desember í réttu hlutfalli við greidd eftirlaun.
1.6.2. Starfsmaður sem lætur af störfum á árinu, en hafði þá starfað samfellt í
a.m.k. 6 mánuði skal einnig fá greidda persónuuppbót miðað við
starfstíma og starfshlutfall á árinu. Hlutfall skv. þessari málsgrein er
reiknað sem hlutfall af fullri vinnu (100%) í 12 mánuði á
almanaksárinu af síðast gildandi persónuuppbót.
1.6.3. Persónuuppbót skv. 1.6.1. greiðist starfsmönnum sem fóru á eftirlaun á
árinu, enda hafi þeir skilað starfi er svari til a.m.k. hálfs starfsárs það
ár. Sama regla gildir um þá, sem sökum heilsubrests minnka við sig
starf, enda liggi fyrir um það vottorð trúnaðarlæknis Orkubúsins.
Heildargreiðsla til eftirlaunaþega verði aldrei hærri en full
persónuuppbót sbr. grein 1.6.1.
Starfsmenn Orkubú Vestfjarða.
2011. Kr. 91.762,-
2012. 103.261,-
1.7. Sérstök orlofsuppbót.
1.7.1. Hinn 1. júní skal starfsmaður sem er í starfi til 30. apríl fá greidda
sérstaka orlofsuppbót er nemi 50% af launaflokk 135.1. þrep, er miðast
við fullt starf næstliðið orlofsár. Greitt skal hlutfallslega miðað við
starfshlutfall og starfstíma.
1.7.2. Hafi starfsmaður látið af störfum og hafið töku eftirlauna á orlofsárinu
skal hann fá greidda orlofsuppbót hlutfallslega miðað við unninn tíma
og starfshlutfall. Sama gildir ef starfsmaður lætur af störfum eftir 5
mánaða samfellt starf á orlofsárinu. Á orlofsuppbót reiknast ekki
orlofsfé.
2011. Kr. 91.762,-
2012. kr. 103.261,-
Þann 1. júní kom til framkvæmda síðasta launahækkunin sem samið var um í kjarasamningunum 2008.
Hækkunin er krónutöluhækkun eins og þær fyrri sem samið var um í þessum samningum og eru fyrst og fremst á lægstu launaflokkana
Launabil í kr. 1. júní .’10
135.000 - 179.999 6.500
180.000 - 184.999 5.300
185.000 - 189.999 4.550
190.000 - 194.999 4.050
195.000 - 199.999 2.800
200.000 - 204.999 1.800
205.000 - 209.999 1.300
210.000 - 214.999 1.300
215.000 - 219.999 1.000
220.000 - 224.999 1.000
225.000 - 229.999 0
Sjá má launatöflu með álagihér.
Þann 23. nóvember 2005 ritaði stjórn FOS-Vest öllum sveitastjórnum á Vestfjörðum bréf, þar sem bent er á þann mismun sem orðinn er á kjörum félagsmanna innan FOS Vest og félagsmönnum starfsmannnafélaga á höfuðborgarsvæðinu sem náðu betri samningum eftir að meginþorri starfsmannafélaga hafði skrifað undir nýjan kjarasamning s.l. vor. Var farið þess á leit að hafnar yrðu viðræður með það markmið að samræma kjör okkar félagsmanna við félaga okkar fyrir sunnan með tilvísun í grundvallarmarkmið Launanefndar sveitafélaga( LN) vegna allra kjarasamninga sem lögð voru fram fyrir síðustu karasamningaviðræður, en þar segir í 1. lið,:
“Að gera kjarasamninga sem tryggja eins vel og kostur er að sambærileg og jafnverðmæt störf séu launuð á sama hátt óháð kynferði eða búsetu þess sem starfinu gegnir”. Og í 5. lið stendur: “ Að leitast við að gera kjarasamninga við bandalög félaga frekar en einstök félög og að þeir samningar verði leiðandi fyrir kjarasamninga við þá sem standa utan bandalaga”.
Forsagan er að s.l. vor skrifaði Samflot bæjarstarfsmannafélaga undir nýjan kjarasamning við Launanefnd sveitarfélaga. Þrjú félög innan Samflots treystu sér ekki til að undirrita samninginn, en hafa síðan náð samningum með samkomulögum og kjarabótum við sínar sveitastjórnir og LN umfram hin félögin í Samfloti. Starfsmannafélög Kópavogs og Akraness sömdu við LN um 90.000 kr. eingreiðslu í desember auk þess sem gildistími nýrrar tengingar starfsmats er 1. janúar 2006 í stað 1. júní 2006 hjá hinum félögunum. Þar að auki fá starfsmenn Kópavogs tvær 20.000 kr. eingreiðslur síðar, háðar starfs og lífaldri.
Við höfum á vettvangi Samflots farið þess á leit við LN að tryggja beri að það sem samið hefur verið um umfram Samflotssamning, gildi einnig fyrir Samflot, þ.e. eingreiðsla og gildistími á tengitöflu, en á fundi samráðsnefndar Samflots og LN 17. nóvember s.l. var þeirri beiðni alfarið hafnað af hálfu LN.
Við óskuðum eftir viðræðum um að okkar félagsmenn nytu sambærilegra kjarabóta og félagar þeirra í öðrum starfsmannafélögum en samkvæmt yfirlýstri stefnu sveitafélaganna ber að tryggja starfsmenn fái sömu laun fyrir jafnverðmæt og sambærileg störf. Einnig bentum við á að í tilfellum áðurgreindra sveitafélaga auk Hafnarfjarðar hefur LN gefið eftir samningumboð sitt að hluta heim í hérað.
Við höfum nú fengið svör frá Ísafjarðarbæ, Bolungarvíkurkaupstað, Vesturbyggð og Súðavíkurhreppi, en þau eru öll samhljóða um að erindinu er vísað til LN sem hefur samningsumboð fyrir þessar sveitastjórnir.
Samkvæmt samningsforsendum gildandi samninga er hægt að segja upp launalið í nóvember 2006 eða 2007.
Það er íhugunarefni fyrir vestfirska sveitastjórnarmenn hvort þeir vilji láta á það reyna nú rétt fyrir kosningar að mismunun láglaunastefnu LN verði til þess að bullandi óánægðir starfsmenn sveitarfélaganna fari nú að leita í önnur störf eins og er að ske á höfuðborgarsvæðinu þrátt fyrir að þar eru umtalsvert betri kjör, t.d. hjá Reykjavíkurborg. Eða ætla menn kasta öllum samningsmarkmiðum fyrir róða og treysta á að atvinnuástandið á svæðinu verði til þess að hundóánægt starfsfólk sveitarfélaganna láti mismununina yfir sig ganga. Ég efast um að sú þolinmæði sé fyrir hendi.
Gylfi Guðmundsson, formaður FOS Vest.